Acude á Policía a denunciar danos no seu coche e acaba investigado por negarse a facer a proba de alcoholemia

A Policía Local de Pontevedra abriu dilixencias contra un condutor por negarse a facer a proba de alcoholemia. O parte policial relata que as dúas da madrugada do venres, 19 de xaneiro, un condutor preséntase nas dependencias da xefatura da policía para informar de que, non sabía moi ben como, pero o seu vehículo sufrira danos noutra localidade. O axente que atendeu o telefoniño das dependencias policiais vía como este condutor cambaleaba e resultáballe moi difícil manter o equilibrio.

Dous axentes achegáronse a atender ao home, que desprendía un forte cheiro a alcohol, e advertíronlle que tiña que sacar o coche da vía pública porque o deixou aparcado na metade de Alexandre Bóveda, non sen antes someterse á proba de alcoholemia.

Nese momento, o condutor cambia a súa actitude negándose a facer a proba e tratando de amedrentar aos axentes, que lle advirten das consecuencias penais da súa negativa. A actitude do condutor foi férrea, chegando a increpar aos axentes e negándose en todo momento na facer a proba de alcoholemia, polo que se remitiron dilixencias ao xulgado en calidade de investigado pola negativa de someterse á proba.

Finalmente, o coche foi retirado polo guindastre e a rúa Alexandre Bóveda aberta ao tráfico.